आ.डॉ.तानाजीराव सावंत यांनी दिलेला शब्द पाळला; तेरखेडा जिल्हा परिषद गटातील शेतरस्त्यांच्या कामांना गती

“८० टक्के समाजकारण आणि २० टक्के राजकारण” हा हिंदुहृदयसम्राट बाळासाहेब ठाकरे यांनी दिलेला विचार विकासकामांच्या माध्यमातून प्रत्यक्षात उतरवण्याचे काम माजी मंत्री तथा परंडा विधानसभा मतदारसंघाचे आमदार तानाजीराव सावंत यांच्या नेतृत्वाखाली सुरू असल्याचे चित्र तेरखेडा जिल्हा परिषद गटात पाहायला मिळत आहे.
परंडा विधानसभा मतदारसंघातील ग्रामीण भागात शेतकरी, शेतमजूर आणि सर्वसामान्य नागरिकांच्या विकासासाठी मोठ्या प्रमाणावर कामे सुरू असून, तेरखेडा जिल्हा परिषद गटातही विकासाची गंगा पोहोचत आहे. निवडणुकीदरम्यान शेतकऱ्यांचे शेतरस्ते मोठ्या प्रमाणात करण्यात येतील, असा शब्द आमदार तानाजीराव सावंत यांनी दिला होता. आता तो शब्द प्रत्यक्षात पूर्ण होताना दिसत आहे.

मतांसाठी नव्हे तर समाजकारणाच्या भूमिकेतून निवडणुकीपूर्वीही अनेक शेतरस्त्यांची कामे करण्यात आली होती. आता शासनाच्या माध्यमातून विविध रस्त्यांच्या कामांना अधिक गती देण्यात येत आहे. याच पार्श्वभूमीवर १५ मे रोजी तेरखेडा जिल्हा परिषद गटाचे जिल्हा परिषद सदस्य विकी चव्हाण आणि बालाजी आण्णा घोलप यांनी पुढाकार घेत विविध रस्त्यांची पाहणी केली.
यामध्ये नॅशनल हायवे ५२ तेरखेडा ते वडजी रस्ता, सटवाईवाडी रस्ता ते हेडसरी रस्ता, सटवाईवाडी रस्ता ते बसवेश्वर मंदिर शिवार रस्ता, माणिकदंड रस्ता ते सटवाईवाडी रस्ता तसेच खामकरवाडी ते उंबरगा रस्त्याची पाहणी करण्यात आली. याशिवाय गोळे शिवार, उकरंडे शिवार, घोलप शिवार आणि हलकरे शिवारातील महत्त्वाच्या रस्त्यांच्या कामांचीही पाहणी करून संबंधित कामांना लवकर गती देण्याबाबत चर्चा करण्यात आली.
यावेळी तहसीलदार प्रकाश मेहत्रे, बालाजी हलकरे, कृष्णा माळी, रामलिंग शिंदे, स्वप्निल पोळ, समाधान घोलप, रोहित घोलप यांच्यासह परिसरातील अनेक शेतकरी उपस्थित होते.

“आमदार तानाजीराव सावंत यांनी शेतकऱ्यांना दिलेला शब्द प्रत्यक्षात पूर्ण करण्याचे काम सुरू केले आहे. ग्रामीण भागातील शेतरस्ते, दळणवळण आणि मूलभूत सुविधांना प्राधान्य देत विकासकामांना गती दिली जात आहे. तेरखेडा जिल्हा परिषद गटातील प्रत्येक शिवारापर्यंत चांगले रस्ते पोहोचावेत, हा आमचा प्रयत्न आहे. शेतकरी आणि सर्वसामान्य नागरिकांच्या अडचणी लक्षात घेऊन पुढील काळातही विकासकामे अधिक वेगाने करण्यात येतील.”
ग्रामीण भागातील मूलभूत सुविधा आणि शेतकऱ्यांच्या दळणवळणाच्या प्रश्नांना प्राधान्य देत सुरू असलेल्या या कामांमुळे परिसरातील नागरिकांमध्ये समाधान व्यक्त करण्यात येत आहे.

संदेश उर्फ विकी चव्हाण

जिल्हा परिषद सदस्य तेरखेडा गट तथा गटनेते शिवसेना धाराशिव जिल्हा परिषद