धाराशिव जिल्हा परिषदेत शिवसेना-भाजप सत्ता स्थापन करणार?

धाराशिव : ९ फेब्रुवारी रोजी झालेल्या जिल्हा परिषद व पंचायत समिती निवडणुकीचा निकाल लागल्यानंतर धाराशिव जिल्हा परिषदेत कोणालाही स्पष्ट बहुमत मिळाले नाही. त्यामुळे जिल्हा परिषदेत नेमकी कोण सत्ता स्थापन करणार याबाबत विविध राजकीय चर्चांना उधाण आले होते. राजकीय विश्लेषक, माध्यमे आणि कार्यकर्ते वेगवेगळी गणिते मांडताना दिसत होते.

मात्र विश्वासार्ह सूत्रांच्या माहितीनुसार भारतीय जनता पक्ष आणि शिवसेना हे संयुक्तपणे जिल्हा परिषदेत सत्ता स्थापन करण्याच्या तयारीत असल्याचे समोर येत आहे. निकाल लागल्यानंतरच काही राजकीय विश्लेषकांनी असा अंदाज व्यक्त केला होता की राज्यातील महायुतीचे जे समीकरण आहे, त्याच धर्तीवर धाराशिव जिल्ह्यातही महायुतीतील पक्ष एकत्र येऊन सत्ता स्थापन करतील.

सूत्रांच्या माहितीनुसार जिल्हा परिषदेत अध्यक्षपद भारतीय जनता पक्षाकडे जाण्याची शक्यता असून उपाध्यक्षपद शिवसेनेला मिळू शकते. तसेच राष्ट्रवादी काँग्रेसलाही सभापती पद देण्याबाबत चर्चा सुरू असल्याची माहिती आहे.

१३ मार्च रोजी होणाऱ्या अध्यक्ष व उपाध्यक्ष पदाच्या निवडणुकीत महायुतीतील घटक पक्ष एकत्र येऊन सत्ता स्थापन करतील, अशी शक्यता वर्तवली जात आहे. त्यामुळे मागील काही दिवसांपासून सुरू असलेल्या विविध राजकीय चर्चांना लवकरच विराम मिळण्याची शक्यता आहे.
दरम्यान, शिवसेना पक्षातील काही नेत्यांमध्ये मतभेद असल्याची चर्चा होती. मात्र उपमुख्यमंत्री Eknath Shinde यांच्या मध्यस्थीमुळे हे मतभेद कमी झाल्याचे सांगितले जात आहे. तसेच पालकमंत्री Pratap Sarnaik आणि माजी पालकमंत्री Tanaji Sawant यांनीही एकत्र येत समन्वय साधल्याची माहिती आहे.

या पार्श्वभूमीवर भारतीय जनता पक्ष आणि शिवसेना हे दोन पक्ष एकत्र येऊन धाराशिव जिल्हा परिषदेत सत्ता स्थापन करतील, अशी शक्यता राजकीय वर्तुळात व्यक्त होत आहे.