महिला सशक्तीकरण अभियान’ कार्यक्रमाची तयारी पूर्ण

परंडा येथे शनिवारी होणाऱ्या महिला सशक्तीकरण अभियान कार्यक्रमाच्या तयारीची आरोग्यमंत्री तथा धाराशिव जिल्ह्याचे पालकमंत्री प्रा.डॉ.तानाजीराव सावंत यांनी पाहणी केली. यावेळी पदाधिकारी, संबंधित विभागाचे अधिकारी, कर्मचारी उपस्थित होते.

मुख्यमंत्री एकनाथजी शिंदे साहेब यांच्या प्रमुख उपस्थितीत परंडा येथे ‘महिला सशक्तीकरण अभियान’ या कार्यक्रमाचे आयोजन शनिवारी करण्यात आले आहे. यासाठी परंडा शहरातील रुई रस्त्यालगत असलेल्या कोटला मैदानावर अत्याधुनिक पद्धतीचा ३०० मीटर रुंद व ६०० मीटर लांबीचा सभामंडप उभारण्यात आला असून, इतरही तयारी अंतिम टप्प्यात आहे.

जिल्ह्यातील हजारो महिला या कार्यक्रमाला उपस्थित राहणार आहेत. कार्यक्रमाच्या यशस्वीतेसाठी शिवसेना पक्षातील पदाधिकारी, संबंधित महसूल, बांधकाम, आरोग्य, नगरपरिषद, पोलिस प्रशासनातील अधिकारी, कर्मचारी परिश्रम घेत आहेत.