माजी मंत्री आ. डॉ.तानाजी सावंत यांच्या वाढदिवसानिमित्त परंड्यात रंगणार भव्य कुस्तीचा महासंग्राम

परंडा : महाराष्ट्राची परंपरा जपणारा अस्सल मातीतील कुस्ती हा खेळ पुन्हा एकदा परंडा नगरीत रंगणार आहे. महाराष्ट्र राज्याचे माजी आरोग्यमंत्री आणि भूम-परंडा-वाशी मतदारसंघाचे आमदार डॉ. तानाजीराव सावंत यांच्या वाढदिवसानिमित्त या भव्य कुस्ती स्पर्धेचे आयोजन करण्यात आले आहे.

या पार्श्वभूमीवर कुस्ती मैदानाच्या अधिकृत जाहिरात पत्रकाचे अनावरण उत्साहात पार पडले. या स्पर्धेमुळे परंडा शहरात क्रीडाप्रेमींमध्ये मोठा उत्साह निर्माण झाला असून, महाराष्ट्रासह देशाच्या विविध भागांतील नामांकित मल्ल या लाल मातीत आपली ताकद आजमावणार आहेत.

अनावरण सोहळ्यास डबल उपमहाराष्ट्र केसरी पैलवान बाळासाहेब पडघन, नवनाथ आप्पा जगताप, राहुल डोके, प्रवीण देशमुख, मेघराज पाटील, अमर मोरे, सुनील भोईटे, विशाल ढगे, युवराज हुंबे, राजाभाऊ शेळके, समाधान सातव पाटील, राहुल भांडवलकर, आप्पा कारंडे तसेच शिवसेना पदाधिकारी आणि इतर मान्यवर उपस्थित होते.
आयोजक आणि युवासेना तालुका प्रमुख राहुल डोके यांनी कुस्तीप्रेमींना या महासंग्रामाचा प्रत्यक्ष अनुभव घेण्यासाठी मोठ्या संख्येने उपस्थित राहण्याचे आवाहन केले आहे.
ही कुस्ती स्पर्धा केवळ खेळ नसून परंपरा, ताकद आणि कौशल्य यांचा संगम असलेला एक लोकोत्सव ठरणार असल्याचे आयोजकांनी सांगितले.

📌 स्पर्धेचा तपशील:
🗓️ दिनांक : २८ मार्च २०२६ (शनिवार)
🕑 वेळ : दुपारी २ वाजता
📍 स्थळ : Panchayat Samiti Ground Paranda
या भव्य कुस्ती स्पर्धेकडे परंडा परिसरासह संपूर्ण जिल्ह्याचे लक्ष लागले आहे.